Ek Din Phir...

Raah chalte ek din usse phir mulakaat hogi...
Anjaan kisi desh mein usse aankhein chaar hongi...
Dheemi kadmon ke sahare jab aayegi paas vo mere ,
Bina lafzon ke hamare beech na jaane kitni baatein hongi...

Tham jayega vo pal.. Ruk jayegi poori duniya...
aisa hoga samaa , laut aayegi saari khushiyaan...

Vo din yaad aayega jab saath hua karte the hum...
Vo din yaad aayega jab ek doosre pe marte the hum...
Aaj sab kuch badal chuka hoga ,
Par yakeen hai hume , roz ek doosre ko yaad kia karte the hum...

Ek ajeeb si ghabrahat hogi , Ek ajeeb saa darr hoga...
Aankhein  sharma k palke jhukayengi..
Honth ghabra k daanton mein dab jayega...
Ruk kar thoda , jab vo naam bolegi mera,
Aankhon se apne aansu bhi na rok paaunga...

Suraj Chand mein badal chuka hoga , aur raushni Chandni se..
Par koi na alag kar paaya hoga mujhe , mere bichchde saaye se...

Mere naseeb mein vo ho na ho.. Kal vo mere saath ho na ho..
Hazaaron yaadein liye itne saal jeeye the hum ,
Aaj is pal ko jee loon yaaron, phir bhale kal HUM ho na ho...

Raah chalte ek din usse phir mulakaat hogi...
Anjaan kisi desh mein usse aankhein chaar hongi...
Chaand bhi muskurayega falak se yoon ,
Adhoori is prem kahani ki us din phir shuruaat hogi ...


                           Written On : 8th Nov'15 - 20:00

Click here to like A Random Dream

Tum

Kaash neend bhi utni aati jitni tum yaad aati ho...
Kabhi aankhein band bhi ho jaaye , to tum sapne mein jagaa jaati ho;
Raaton se sirf kya shikayat karoon...
Din mein dhadkane badh jaati hai , jab tum paas aati ho;

Teri hasi se meri khushi jud chuki hai...
Teri aankhon mein meri duniya bas chuki hai...
Ab rooh ka har katra bas tera saath chahta hai...
Bas tere ikraar ke liye meri saansein ruk chuki hai;

Kho na doon tujhe, ye darr mein jeeta hoon...
Teri khushi ke liye har galti maan leta hoon...
Kabhi kisi galatfehmi mein door na ho jaana...
Duwaaon mein har din tujhe hi maangta hoon;

Aaj phir sone ki koshish ki par jaagta reh gaya...
Deewaaron se baatein ki aur teri tasveer dekhta reh gaya...

Naa jaane ghadi ke kitne tik tik ginunga mai...
Naa jaane kab palke jhuka so jaunga mai...
Naa jaane kab ek nayi din ki shuruaat hogi...
Naa jaane kab ...phir tujhse mil paunga mai ;

                                                  

                                            Written On : 5th May 2015 ; 01:30 AM IST

Click Here to Like Our Facebook Page 

Yaad Aati hai...

kabhi kabhi kisi ki maujoodgi,
Uski kami ka ehsaas dilaati hai...
Kisi ki berukhi,
Uski deewaangi yaad dilaati hai...

Beparwah jab koi dil tod jaata hai,
Har wakt humraahi,
Us apne ki yaad dilaati hai...

Anjaane mein uska dil toda tha ek baar,
Shayad usi ki sazaa ab ek anjaan de gayi hai...
Aankhon se behta har ek boond aansu ka,
Mere pehle pyar ki yaad dilaati hai...

Pyar ki moorat hai vo aisi,
Aaj bhi manao to maan jaati hai...
Sochta hoon aaj bhi jab uske baare,
Honthon pe muskaan de jaati hai...

Click here to Like A Random dream on Facebook

Written on : 22nd March 2015

Kuch Bhi...

Kuch bhi mai baatein karta,
Kuch bhi vo sun lia karti thi...
Kuch bhi na tha hamare beech,
Phir bhi kuch nazdeekiyaan thi...

Rooth jaaye jab mai bolun kuch bhi,
Kuch bhi bol k maan jaati thi...
Muskurati thi vo bina bole kuch bhi,
Kuch bhi dil mein na chhupati thi...

Laakh khushiyaan paaya maine,
Par usse azeez na hua kuch bhi...
Dosti salaamat rahe zindagi bhar,
Kar doon uske liye Qurbaan kuch bhi...

Click here to Like A Random dream on Facebook

Written On : 14th March 2015

Tu ( RAP )

Since the day I saw u, I have a question..
are u my love, ya bas ek infatuation??

Mili nahi tu, to hoga mujhe tension..
Please apna le mujhe, save me from depression!!!

Meri har baat mein, tera hota hai special mention...
feelings hai mere sachche...dont doubt my intention!! 

Kaise samjhaaun tere liye mera affection..
tujhse milne mein mujhe hota hai hesistation!!

Tu real ki hai beauty ya hai koi animation...
Tujhe dekh k mere har part mein hota hai sensation!!!

Ab gussa mat kar, aur maang mat clarification...
Tu hai ek train aur mai tera Railway station!!!

Click here to follow A Random Dream on Facebook

Written On : 8th Feb'2015 ( 10:00 PM)

Ek Ladki Pyari Si...

Sweet si, pyari si,
Sundar bilkul Manali si...
Baat baat pe jhagda karti,
Teekhi aur karari si....

Bachche jaise the hum dono,
Sab k dulaare the hum dono...
Din bhar saath reh k bhi mann nahi bharta,
Poori raat baatein karte the hum dono...

Daant do kabhi to turant aankh bhar aata tha,
gore gore gaalon pe, laal rang chhaa jaata tha...
Shiddat k baad jab vo maan jaati thi,
Us Chote se honth pe muskaan aa jaati thi...

Na hua usse jyada kareeb koi,
na usse jyada kisi ne pyar kia...
Ho kar judaa bhi usse,
Har pal use hi yaad kia...

Raaste milenge ek din,
Is Dil ko poora vishwaas hai...
Aur na reh payenge tere bin,
Is Dil ko teri hi aas hai...

Click here to follow A Random Dream on Facebook

Written On : 11th Jan'2015 - 08:00 PM

Ek Apna sa Ajnabi...

Door ho kar bhi kuch log yaad rakhte hai,Paas ho kar bhi kuch anjaan bante hai...
Khaate hai kasme hazaaron ek pal mein...
Par todne se pehle ek baar bhi na sochte hai...

Door baitha ek yaar har din hichkiyaan deta hai,
Paas se guzarta dost ek muskaan bhi na de paata hai...

Khata hui mujhse ya raaste alag ho gaye,
Saath bitaaye har suhaane lamhe aaj ateet kyun ban gaye...

-----------------------------------------------------------------------------------

Chod aaya kahi door tujhe,
meri bhi majboori thi...
Dekha na mud kar dobara kabhi,
meri bhi majboori thi...

Thaama tha haanth tera, zindagi bhar saath chalne ko...
Adhoore safar se laut aaye hum,
meri bhi majboori thi...

Khata hui hai mujhse, Sazaa bhi dena tu...
par wajah kabhi na poochna mujhse,
meri bhi majboori thi...

-----------------------------------------------------------------------------------

Na iraada tha kuch khone ka, na socha tha kuch paaunga...
uske saath beetay us shaam ko kabhi na bhool paaunga...

aankhon mein timtimaate taare, labon pe ek khaamosh si hasi...
mil rahe the pehli baar hum, jhoom rahi thi duniya saari...

Aakhri tha vo din saal ka, saal ki aakhri rangeen shaam thi vo...
khoobsurat thi har baat us lamhe ki, kyunki har pal mere saamne thi vo...


------------------------------------------------------------------------------------

aankho ko moonde so rahi hogi woh
anjaan mujhse , sapne dekh rahi hogi vo...
Aksar neend se jaag jaaya karegi..
qki meri yaadon mein aa rahi hai vo... <3 :)

---------------------------------------------------------------------------------
Tujhe paane ki chah nahi,
bas dobara milne ki khwahish thi...
Pehli mulakaat jo reh gayi thi adhuri,
mukhtasar us deedaar ko puri karne ki guzaarish thi...

Click here to Follow A Random Dream on Facebook