Aisa aksar hota hai

Mere saare sapno ko apnaa kar, koi apne sapne bhool jaaye ... Aisa thodi hota hai...

Apne dard ko chhupa kar, koi mere saare gham door kare... Aisa thodi hota hai...

Apni roti mujhe de kar, koi meri bhoonk mita de... Aisa thodi hota hai...

Puraane kapdon mein saalon reh kar, koi har janmdin mere liye naye kapde khareede... Aisa thodi hota hai...

Mere liye apne bhagwaan se bhi lad jaati hai Maa... Aisa Hamesha hi hota hai... 

Click here to follow a random dream on Facebook

Vo Daur

Vo bhi ek daur tha, jab mohabbat baaton se nahi, aankhon se ho jaaya karti thi...
Vo bhi ek daur tha, jab intezaar ghar ka  nahi , college jaane ki hua karti thi...
Vo bhi ek daur tha, jab tum yaadon mein nahi, nazron k saamne hua karti thi... ❤

Like A Random Dream on Facebook

Kaash

Life poori kaash pe hi atki hai ..
kaash kisi se mil paate,
kaash kisi cheez ko haasil kar paate...
kaash vo nazaara dekh paate,
kaash us shaqs ko rok paate...
Kaash thoda aur pal bita paate...
chote - bade na jaane kitni aisi khwahishein hai,
kaash ye sab poore ho paate... 💖

Like A Random Dream on Facebook

Kahaani Teri

Hai kya kahaani teri mujhe suna zaraa...
Jhoothi teri jo muskaan hai, use hata zaraa...
aankhein teri sab kuch bataati hai,
Dard-e-Zindagi mujhse baant zaraa...

Behne de aansu jo arso se thaam rakha hai,
izhaar kar har vo baat jo Dil mein Chhupa rakha hai...
Bhula k sab, ab aage badh zindagi mein,
Maine tera haanth kass kar thaam rakha hai...

Like A Random Dream on Facebook